काठमाडौं, १८ चैत । काठमाडौंको तीनकुनेमा राजावादी समूहको आन्दोलनमा अराजक गतिविधि गरेको आरोपमा प्रहरीले थप १८ जनालाई पक्राउ गरेको छ । प्रहरीले सो घटनामा संलग्नहरूलाई पक्राउ पर्ने क्रम जारी छ ।
यसअघि सोमकार प्रहरीले तीन जनालाई पक्राउ गरेको थियो ।
पक्राउ पर्नेमा विष्णुजंग बस्नेत र सितादेवी राई रहेका छन् । सोमबार प्रहरीले विष्णुजंग बस्नेत, सितादेवी राई, देवी संग्रौलालाई पक्राउ गरेको थियो ।
मंगलबार पुनः १८ जना पक्राउ परेको प्रहरीले जानकारी दिएको छ ।
उनीहरू राजावादी समूहको आन्दोलनका कमाण्डर दुर्गा प्रसाईं निकट रहेको बुझिएको छ ।
यही प्रदर्शनमा पक्राउ परेका ४१ जनालाई म्याद थप गरेर अनुसन्धान अघि बढाइएको छ ।
